יונה הנביא

יונה בן אמיתי איז געווען א נביא אין די צייטן פון ירבעם בן יואש (מלכים ב' י"ד:כ"ה). דער אייבערשטער האט אים געשיקט צו נינוה צו זאגן אז זיי וועלן חרוב ווערן, און יונה איז אנטלאפן אויף א שיף קיין תרשיש. א גרויסער שטורעם איז געקומען, מען האט אים אריינגעווארפן אין ים, און א גרויסער פיש האט אים איינגעשלונגען (יונה א').

אין פיש'ס בויך האט ער מתפלל געווען (יונה ב'), און דער פיש האט אים ארויסגעווארפן. ער איז געגאנגען קיין נינוה, די מענטשן האבן תשובה געטון, און דער אייבערשטער האט זיי מוחל געווען (יונה ג'). ספר יונה ליינט מען ביי מנחה יום כיפור (מגילה ל"א ע"א).