גארטל

"גארטל" איז דאס אידישע ווארט פאר א פאסיק. ביי חסידים מיינט מען דערמיט דעם ספעציעלן גארטל וואס מען בינדט זיך ארום ביים דאווענען. כמעט אלע וואס טראגן א גארטל זענען חסידים; אויך א קלענערע צאל נישט-חסידישע חרדים, ספעציעל די "פרושים" אין ירושלים, האבן דעם מנהג.

א גארטל איז געווענליך זייער איינפאך – מערסטנס שווארץ, אמאל ווייס, וואס מען טראגט אפשר אויף ספעציעלע צייטן ווי יום כיפור. ער איז געפלאכטן פון דינע שטריקלעך, פון פיר ביז איבער פערציג.

דער טעם פונעם מנהג: עס זאל זיין אן אפטיילונג צווישן דעם הארץ און דער אונטערשטער העלפט פונעם קערפער ווען מען דערמאנט השם'ס נאמען. מען ערקלערט אז דאס ווייזט ווי דער שכל און די נשמה הערשן איבער די בהמה'שע תאוות.

ביי א חסידישער חתונה ווערט דער גארטל אויך גענוצט ביים "מצוה טאנץ".