דוד המלך

דוד איז געווען דער יינגסטער זון פון ישי פון בית לחם, פון שבט יהודה. שמואל הנביא האט אים געזאלבט פאר מלך ווען ער איז נאך געווען א פאסטעך (שמואל א' ט"ז:א'–י"ג). ער האט געהרג'עט גלית דעם פלשתי (שמואל א' י"ז), און לאנגע יארן אנטלאפן פון שאול המלך.

דוד האט געקעניגט זיבן יאר אין חברון און 33 יאר אין ירושלים (שמואל ב' ה':ד'–ה'). ער האט איינגענומען ירושלים (שמואל ב' ה':ז'), און געבראכט דעם ארון הברית אין שטאט (שמואל ב' ו'). ער האט געוואלט בויען דעם בית המקדש, אבער דער אייבערשטער האט געזאגט אז זיין זון וועט עס בויען (שמואל ב' ז').

ער ווערט גערופן 'נעים זמירות ישראל' (שמואל ב' כ"ג:א'), און האט געזאגט ספר תהלים. דוד המלך איז נפטר געווארן 70 יאר אלט (מלכים א' ב':י'–י"א; שמואל ב' ה':ד'). די נביאים זאגן אז משיח וועט קומען פון זיין משפחה (ישעיה י"א:א').