שלמה המלך

שלמה איז געווען דער זון פון דוד המלך און בת שבע (שמואל ב' י"ב:כ"ד), און איז געווארן מלך נאך דוד (מלכים א' א'). אין גבעון האט דער אייבערשטער אים געזאגט אין א חלום ער זאל בעטן וואס ער וויל, און ער האט געבעטן א 'לב שומע' צו משפט'ן דאס פאלק — און באקומען חכמה מער ווי אלע מענטשן (מלכים א' ג':ה'–י"ד).

שלמה האט געבויט דעם ערשטן בית המקדש אין ירושלים; דער בוי האט געדויערט זיבן יאר (מלכים א' ו', ל"ח). ער האט געקעניגט 40 יאר (מלכים א' י"א:מ"ב).

לויט דער מסורה האט ער געזאגט משלי, שיר השירים און קהלת; די גמרא זאגט אז חזקיהו און זיין חבורה האבן זיי אויפגעשריבן (בבא בתרא ט"ו ע"א). דער נביא דערציילט אז אין זיין עלטער האבן זיינע ווייבער אים אוועקגעדרייט (מלכים א' י"א), און נאך זיין טויט האט זיך די מלוכה צעטיילט.