אדם הראשון

דער אייבערשטער האט באשאפן אדם הראשון אום זעקסטן טאג פון בריאת העולם, 'בצלם אלקים' (בראשית א':כ"ו–כ"ז), פון דעם שטויב פון דער ערד, און אריינגעבלאזן אין אים א נשמה (בראשית ב':ז'). ער האט אים אריינגעשטעלט אין גן עדן, און אדם האט געגעבן נעמען צו אלע באשעפענישן (בראשית ב':ט"ו–כ').

דער אייבערשטער האט באפוילן נישט צו עסן פונעם עץ הדעת (בראשית ב':ט"ז–י"ז). נאכן חטא עץ הדעת איז אדם ארויסגעשיקט געווארן פון גן עדן (בראשית ג').

זיינע זין זענען געווען קין, הבל און שת (בראשית ד':א'–ב', כ"ה). אדם איז נפטר געווארן 930 יאר אלט (בראשית ה':ה'). חז"ל זאגן אז ער איז באשאפן געווארן אום ראש השנה (ויקרא רבה כ"ט:א'; סנהדרין ל"ח ע"ב).