שם בן נח

שם איז געווען איינער פון נח'ס דריי זין (בראשית ה':ל"ב). נאכן מבול, ווען נח איז געלעגן אנטבלויזט, האבן שם און יפת אים צוגעדעקט מיט כבוד, און נח האט געבענטשט 'ברוך ה' אלקי שם' (בראשית ט':כ"ג–כ"ו).

פון שם שטאמט אברהם אבינו, צען דורות שפעטער (בראשית י"א:י'–כ"ו). חז"ל לערנען אז מלכי צדק, דער מלך פון שלם וואס האט ארויסגעברענגט ברויט און וויין צו אברהם (בראשית י"ד:י"ח), איז שם (נדרים ל"ב ע"ב), און רש"י ברענגט אז יעקב האט געלערנט 14 יאר אין בית מדרש פון שם ועבר (רש"י בראשית כ"ח:ט').