יחזקאל הנביא

יחזקאל בן בוזי, א כהן, איז אוועקגעפירט געווארן קיין בבל מיט יהויכין, און ביים טייך כבר האט ער געזאגט נבואה (יחזקאל א':א'–ג'). ער האט געזעהן די חיות און דעם כסא — די 'מעשה מרכבה' (יחזקאל א').

ער האט געווארנט פאר דעם חורבן פון ירושלים, און נאכן חורבן געטרייסט: אין דער נבואה פון די טרוקענע ביינער — 'העצמות היבשות שמעו דבר ה'' — לעבן זיי ווידער אויף (יחזקאל ל"ז:א'–י"ד). די לעצטע פרקים באשרייבן דעם דריטן בית המקדש (יחזקאל מ'–מ"ח).