קישקע

קישקע (אויך "קישקא") איז א מאכל וואס איז פאפולער איבער גאנץ מזרח-אייראפע, און האט זיך אריינגעכאפט אין דער אידישער קיך. דער נאמען מיינט אויף אידיש, פוילישער און רוסישער שפראך – "געדערעם", ווייל אמאל האט מען עס געפילט אין א געדערעם-הייטל.

די אידישע קישקע ווערט געפילט מיט א מישעכץ פון מעל, פעטס, ציבעלעס און געווירצן, און מען באקט אדער קאכט עס. היינט מאכט מען דאס מערסטנס אין א קינסטלעכן הייטל.

ביי אידן איז קישקע שטארק פארבונדן מיטן שבת טשאלנט: א שטיק קישקע שטעלט מען אריין אינעם טאפ, און עס קאכט זיך די גאנצע נאכט צוזאמען מיט די בינדלעך און דאס פלייש. אסאך זאגן אז א טשאלנט אן קישקע איז נישט קיין טשאלנט!

אין היימישע געשעפטן און ביי קעיטערערס קען מען קויפן פארטיגע קישקע, און פילע מאכן נאך זייער אייגענע לויט דער באבע'ס רעצעפט.