עזרה למרפא

עזרה למרפא איז א ישראל׳דיגע חסד ארגאניזאציע וואס העלפט חולים און מענטשן מיט באגרעניצונגען. זי גיט מעדיצינישע עצות, לייט אויס מעדיצינישע מכשירים, פליט חולים צו באהאנדלונגען אין חוץ לארץ, און נאך פילע סארטן הילף.

די ארגאניזאציע איז געגרינדעט און ווערט געפירט דורך הרב אלימלך פירער שליט״א, וועמען טויזנטער פאמיליעס ווענדן זיך צו ווען זיי דארפן הילף מיט א מעדיצינישע פראגע. פאר זיין ארבעט אין עזרה למרפא האט ער באקומען דעם "פרס ישראל".

עזרה למרפא פירט אויך א היים פאר מענטשן מיט אינטעלעקטועלע אנטוויקלונגס שוועריגקייטן.

די ארגאניזאציע איז היינט איינע פון די בעסטע באקאנטע חסד ארגאניזאציעס אין ארץ ישראל, און פאמיליעס פון אלע קרייזן ווענדן זיך צו איר אין שווערע צייטן.