עזר מציון

עזר מציון ("הילף פון ציון") איז א ישראלישע ארגאניזאציע וואס גיט א ברייטע ריי מעדיצינישע און סאציאלע הילף פאר קראנקע, באהינדערטע און עלטערע אין ארץ ישראל. זי איז געגרינדעט געווארן אין 1979.

עזר מציון פירט די גרעסטע אידישע ביין־מארך דאנאר רעגיסטער אויף דער וועלט, וואס האט שוין געראטעוועט לעבנס פון קראנקע איבער דער וועלט. זי האט ספעציעלע פראגראמען פאר קינדער מיט ספעציעלע באדערפענישן, פאר ראק־פאציענטן און פאר קרבנות פון טעראר. זי האט צווייגן איבער גאנץ ארץ ישראל, אלע אירע סערוויסעס זענען אומזיסט, און זי האט 30,000 פרייוויליגע. אין 2008 האט זי באקומען דעם ישראל פרייז פאר איר ארבעט פאר דער געזעלשאפט.