איחוד הצלה

איחוד הצלה איז א פרייוויליגע ערשטע-הילף ארגאניזאציע אין ארץ ישראל, וואס גיט אומזיסטע הילף איבער דאס גאנצע לאנד. איר הויפטקווארטיר געפינט זיך אין ירושלים.

דער ציל פון איחוד הצלה איז צו געבן גלייכע מעדיצינישע הילף אין די קריטישע מינוטן צווישן ווען עפעס טרעפט זיך און ווען די געווענליכע אמבולאנס קומט אן. די מתנדבים זענען פארשפרייט אין יעדע שטאט און שכונה, און ווען א רוף קומט אריין, ווערט דער נאענטסטער מתנדב געשיקט.

איחוד הצלה איז געגרינדעט געווארן אין 2006 דורך פאראייניגן עטליכע קליינע לאקאלע הצלה ארגאניזאציעס, און איז געוואקסן צו ווערן די גרעסטע אומאפהענגיגע, נישט-פאר-פראפיט, אינגאנצן פרייוויליגע ערשטע-הילף ארגאניזאציע אין דער וועלט. זי נוצט מאדערנע טעלעפאן טעכנאלאגיע, אריינגערעכנט אן SOS עפ און דעם ספעציעלן נומער 1221.