עמפייער כשר עופות

עמפייער (Empire Kosher Poultry) איז דער גרעסטער פראדוצירער פון כשר'ע עופות אין די פאראייניגטע שטאטן. די פירמע איז געגרינדעט געווארן אין 1938 אין ליבערטי, ניו יארק – אין הארץ פון די קעטסקילס – דורך יוסף נ. קאץ, אן אימיגראנט פון עסטרייך.

די קאץ משפחה האט געפירט דעם ביזנעס די ערשטע פינף צענדליג יאר. אין די 1930ער און 1940ער יארן האבן זיי געברענגט שוחטים און רבנים פון ארץ ישראל און פון אייראפע, און אין אנפאנג האט די פירמע געארבעט פון א גאראזש.

היינט געפינט זיך די הויפטקווארטיר און די פאבריק אין מיפלינטאון, פענסילווייניע. עמפייער'ס הינדל און אינדיק זענען א באקאנטער נאמען אויף שבת און יום טוב טישן איבער אמעריקע.