בעדפארד עוועניו

בעדפארד עוועניו איז די לענגסטע גאס אין ברוקלין – 10.2 מייל לאנג און 132 בלאקן. זי הייבט זיך אן ביי מאנהעטן עוועניו אין גרינפוינט און גייט ביז עמאנס עוועניו אין שיפסהעד בעי.

אויפ'ן וועג גייט זי דורך אסאך געגנטער ווי אידן וואוינען: וויליאמסבורג, קראון הייטס, פלעטבוש און מידוואוד – אזוי אז אן איד קען פארן איין גאס פון חסידישן וויליאמסבורג ביז קראון הייטס און מידוואוד.

אין 18טן יארהונדערט איז "בעדפארד ראוד" געווען א וויכטיגער וועג צווישן דעם דארף פלעטבוש און ניוטאון קריק. אין וויליאמסבורג האט די גאס אמאל געהייסן "פערטע סטריט". היינט איז דער וויליאמסבורגער טייל פון בעדפארד, צוזאמען מיט לי עוועניו, באקאנט פאר זיינע שולן, מוסדות און חסידישע שטיבער.