דרייצנטע עוועניו (בארא פארק)

די 13טע עוועניו איז א גאס פון בערך צוויי און א האלב מייל אין ברוקלין, וואס הייבט זיך אן ביי דער 36טער סטריט אין קענסינגטאן און ענדיגט זיך ביי דער 86טער סטריט אין דייקער הייטס. אבער פאר יעדן איד איז זי באקאנט אלס דער הארץ פון בארא פארק.

אין דעם טייל וואס גייט דורך בארא פארק – בערך א מייל – געפינט מען א ריזיגע אויסוואל פון געשעפטן, ביזנעסער און עסנווארג-געשעפטן פאר דעם חרדישן ציבור. וואכנטאג זענען די טראטוארן און גאסן געפאקט, אבער שבת און יום טוב איז אלעס פארמאכט.

אין די 1930ער יארן איז די גאס געווען פול מיט "פושקארטס" און זויערע-אוגערקעס פארקויפער. אין די 1980ער יארן, ווען בארא פארק איז געווארן מער חסידיש, האבן זיך געעפנט נייע געשעפטן; אין 1987 האבן זיך געעפנט צוויי באליבטע געשעפטן: אייכלער'ס ספרים-געשעפט און "קאשער קעסל". אין 2009 זענען געווען 14 באנקען אויף צען בלאקן! אין 2012 איז דער טייל פון 36טער ביז 60סטער סטריט באנאמען געווארן "ראול וואלענבערג וועי", לכבוד דעם שוועדישן דיפלאמאט וואס האט געראטעוועט אונגארישע אידן אין דער מלחמה.