אחשורוש

אחשורוש איז געווען דער מלך פון פרס און מדי, 'המולך מהודו ועד כוש, שבע ועשרים ומאה מדינה' (אסתר א':א'). די מגילה הייבט אן מיט זיין גרויסער סעודה אין שושן הבירה, ווי ער האט געהייסן ברענגען ושתי המלכה, און זי האט נישט געוואלט קומען (אסתר א').

שפעטער האט ער גענומען אסתר פאר א מלכה (אסתר ב':ט"ז–י"ז). ער האט געגעבן המן די רשות צו שרייבן די גזירה קעגן די אידן (אסתר ג'), און נאך אסתר'ס בקשה האט ער אויפגעהאנגען המן (אסתר ז') און געגעבן מרדכי און אסתר די רשות צו שרייבן א נייעם בריוו, אז די אידן מעגן זיך שטעלן פאר זייער לעבן (אסתר ח').

דער נאמען אחשורוש ווערט אויך דערמאנט אין עזרא (ד':ו'). די גמרא רעדט באריכות פון אים אין מגילה (י"א ע"א – י"ב ע"א).