סטאמפארד היל

סטאמפארד היל איז א געגנט אין צפון לאנדאן, ענגלאנד, בערך 9 קילאמעטער צפון-מזרח פון טשערינג קראס. די געגנט ליגט מערסטנס אין דעם לאנדאנער באראו פון העקני, און א טייל אין הערינגי.

סטאמפארד היל איז באקאנט פאר איר חסידישער קהילה – די גרעסטע קאנצענטראציע פון ארטאדאקסישע אשכנזישע אידן אין גאנץ אייראפע. אויף די גאסן הערט מען אידיש, מען זעט שטריימלעך שבת, און דארט געפינען זיך שולן, חדרים, ישיבות און כשר'ע געשעפטן פון כמעט אלע חסידישע הויפן. דער נאמען קומט פון דעם בערגל, וואס איז 33 מעטער הויך, און פון אן אלטן "פארד" (וואסער-אריבערגאנג) אויף דעם אלטן רוימישן וועג, היינט דער A10.