אוטרעמאנט

אוטרעמאנט איז א רואיגער און שיינער וואוין־באראו פון דער שטאט מאנטרעאל, אין דער פראווינץ קוויבעק, קאנאדע. ער באשטייט פון דער געוועזענער שטאט אוטרעמאנט אויפן אינדזל פון מאנטרעאל.

די מערסטע איינוואוינער רעדן פראנצויזיש, אבער אוטרעמאנט איז אויך א היים פאר א חסידישער קהילה – אינאיינעם מיט דעם ארומיגן מייל־ענד איז עס איינער פון די הויפט־צענטערס פון חסידים אין קאנאדע. זינט די 1950ער יארן איז אוטרעמאנט מערסטנס א וואוין־געגנט, אבער גאסן ווי וואן הארן, בערנארד און לאריע האבן געשעפטן, און דארט זעט מען אידישע קראמען, שולן און חדרים נעבן פראנצויזישע קאפע'ס. דאס איז א מיש פון אן אייראפעאישער שטאט מיט א חסידיש שטעטל.