פּטשא (גאלע)

פּטשא, אויך גערופן "גאלע" אדער "פיסנאגע", איז א טראדיציאנעלע אשכנז'ישע שפייז – א סארט געלע וואס מען מאכט פון קאלבס-פיס. מען קאכט די פיס פיל שעה'ן מיט קנאבל, דערנאך לאזט מען עס פארגליווערן, און מען עסט עס קאלט, אפט מיט א געקאכט איי און א שטיקל חלה.

דער נאמען קומט, ווי עס שיינט, פון טערקיש, פון א זופ פון פיס. ביי דעם עלטערן דור איז דאס געווען א באליבטע שבת'דיגע פארשפייז, באזונדערס ביי דעם שלש-סעודות אדער פריער ביים קידוש.

היינט איז פּטשא שוין א זעלטנקייט, אבער אין טייל היימישע געשעפטן און ביי טייל זיידעס און באבעס אין בארא פארק און וויליאמסבורג קען מען עס נאך אלץ געפינען.