לעיקוואוד

לעיקוואוד (Lakewood Township) איז די גרעסטע שטאט אין אושען קאונטי, ניו דזשערזי, און איינע פון די שנעלסט-וואקסנדע געמיינדעס אין אמעריקע. לויט דעם צענזוס פון 2020 האט לעיקוואוד געהאט 135,158 איינוואוינער – א וואוקס פון כמעט 46 פראצענט אין צען יאר – און זי איז געווארן די פינפט-גרעסטע שטאט אין ניו דזשערזי.

דער גרויסער וואוקס קומט בעיקר פון דער פרומער קהילה, וואס האט זיך אנטוויקלט ארום דער ישיבה בית מדרש גבוה, איינע פון די גרעסטע ישיבות אויף דער וועלט. הונדערטער שולן, כוללים, חדרים און מוסדות פילן די שטאט.

פאר פיל אידן איז "לעיקוואוד" שוין א נאמען פאר א גאנצן שטייגער – א שטאט וואו דער כולל און דער ביזנעס-מאן שטייען זייט ביי זייט.