בית מדרש גבוה (לייקוואוד ישיבה)

בית מדרש גבוה, באקאנט אלס "לייקוואוד ישיבה" אדער BMG, איז א ליטווישע ישיבה אין לייקוואוד, ניו דזשערזי. זי איז געגרינדעט געווארן דורך הגאון ר׳ אהרן קאטלער זצ״ל אין 1943, און איז היינט די צווייט-גרעסטע ישיבה אין דער וועלט, נאך דער מיר ישיבה אין ירושלים. אין 2024 האט זי געהאט 9,657 תלמידים, בחורים און יונגעלייט אין כולל.

דער אנהייב איז געווען א כולל פון 20 יונגעלייט אין ווייט פליינס, ניו יארק, אין 1942 – דער ערשטער כולל אין אמעריקע. ווען ר׳ אהרן איז אנגעקומען פון אייראפע אין 1943 האבן די יונגעלייט אים געבעטן זיך שטעלן אין שפיץ, און ער האט מסכים געווען אויף דעם תנאי אז מען זאל אריבערגיין ווייט פון ניו יארק סיטי.

זינט 1982 איז דער ראש הישיבה הגאון ר׳ מלכיאל קאטלער שליט״א. דאס לערנען גייט פאר אין איבער 200 קליינע חבורות, יעדע מיט איר אייגענעם סדר.