קרית טאש

קרית טאהש איז א חסידישע קהילה אין בויסבריאנד, קוויבעק, לעבן מאנטרעאל, קאנאדע. לויט דעם קאנאדישן צענזוס פון 2021 וואוינען דארט בערך 2,055 מענטשן.

דער נאמען קומט פון דעם שטעטל טאהש אין אונגארן (היינט ניירטאס), נעבן די גרעניצן פון סלאוואקיי און אוקראינע, וואו די טאהשער רביים האבן געהאט זייער הויף. די קהילה איז געגרינדעט געווארן אין 1963 דורך כ"ק אדמו"ר ר' משולם פייש לאווי זצ"ל, דער טאהשער רבי, וואס איז אנגעקומען קיין מאנטרעאל אין 1951. ער האט געוואלט א פלאץ וואו מען קען לערנען תורה אפגעזונדערט פון דער גרויסער שטאט, און איז מיט 18 משפחות אריבער קיין בויסבריאנד. זינט דאן איז די קהילה שטארק געוואקסן.