שיכון סקווירא (ניו סקווער)

ניו סקווער, אויף אידיש "שיכון סקווירא", איז א דארף אין דער שטאט ראמאפא, ראקלענד קאונטי, ניו יארק. עס ליגט צפון פון הילקרעסט, מזרח פון וויאלא, דרום פון ניו העמפסטעד און מערב פון ניו סיטי.

לויט דעם אמעריקאנער צענזוס פון 2020 וואוינען דארט 9,679 מענטשן. די איינוואוינער זענען מערסטנס סקווירער חסידים, וואס ווילן לעבן א פולן חסידישן לעבן, אפגעזונדערט פון דער ארומיגער וועלט. דאס גאנצע דארף איז געבויט ארום דעם רבי'נס הויף און שול, און דער גאנצער רידם פון לעבן – פון דאוונען ביז לערנען און חתונות – גייט לויט דעם סקווירער חסידות.