קין און הבל

קין איז געווען אן ארבעטער פון דער ערד, און הבל א פאסטעך. ביידע האבן געברענגט א קרבן; דער אייבערשטער האט אנגענומען הבל'ס קרבן — 'מבכרות צאנו ומחלבהן' — און נישט קין'ס (בראשית ד':ב'–ה').

קין האט זיך אויפגעשטעלט אויף הבל און אים געהרג'עט. ווען דער אייבערשטער האט אים געפרעגט 'אי הבל אחיך', האט ער געענטפערט 'השמר אחי אנכי'. ער איז באשטראפט געווארן צו זיין 'נע ונד בארץ' (בראשית ד':ח'–ט"ז). שפעטער האט אדם געהאט נאך א זון, שת, 'כי שת לי אלקים זרע אחר תחת הבל' (בראשית ד':כ"ה).