גאולה

גאולה איז א שכונה אינמיטן ירושלים, וואו עס וואוינען מערסטנס חרדישע אידן. זי גרעניצט מיט זכרון משה און מקור ברוך אויף מערב, מיט דער בוכארישער שכונה אויף צפון, מיט מאה שערים אויף מזרח, און מיטן צענטער שטאט אויף דרום.

גאולה איז געגרינדעט געווארן אין 1927–28. די שכונה האט באקומען איר נאמען פון דער הויפט־גאס, גאולה גאס, וואס הייסט היינט מלכי ישראל גאס. די גאס איז פול מיט צענדליגער קליינע געשעפטן – ספרים, בגדים, עסן און אלעס וואס א אידיש הויז דארף – און איז א ליבלינג פון קונים און טוריסטן. די הויפט־קרייצונג הייסט "כיכר השבת". אין דער געגנט געפינען זיך אסאך ישיבות און שולן, און ערב שבת איז דארט א געפיל פון א גאנץ שטעטל.