עזרא הסופר

עזרא בן שריה, א כהן פון אהרן'ס משפחה, איז געווען 'סופר מהיר בתורת משה' (עזרא ז':א'–ו'). מיט א בריוו פון ארתחשסתא דעם קעניג פון פרס, האט ער געפירט א גרופע אידן פון בבל קיין ירושלים (עזרא ז'–ח').

ער האט געקעמפט קעגן חתונות מיט נכריות (עזרא ט'–י'), און האט פארגעליינט די תורה פארן גאנצן פאלק (נחמיה ח'). חז"ל זאגן אז עזרא איז געווען ראוי אז די תורה זאל געגעבן ווערן דורך אים, אויב משה וואלט נישט פריער געקומען (סנהדרין כ"א ע"ב), און מען רעכנט אים צווישן די אנשי כנסת הגדולה. די גמרא דערציילט פון די 'עשרה תקנות' וואס עזרא האט מתקן געווען, צווישן זיי קריאת התורה מאנטאג און דאנארשטאג (בבא קמא פ"ב ע"א).