בלעם הרשע

בלעם בן בעור איז געווען א נביא פון די אומות העולם, פון פתור. בלק בן צפור, דער מלך פון מואב, האט אים געדינגען צו שעלטן די אידן (במדבר כ"ב).

אויפן וועג האט א מלאך זיך געשטעלט אנטקעגן, און בלעם'ס אייזל האט גערעדט צו אים (במדבר כ"ב:כ"ח). ווען ער איז געקומען, האט ער נאר געקענט זאגן וואס דער אייבערשטער האט אים אריינגעלייגט אין מויל — און אנשטאט שעלטן האט ער געבענטשט, ביז 'מה טובו אהליך יעקב משכנתיך ישראל' (במדבר כ"ד:ה').

שפעטער האט בלעם געגעבן אן עצה צו פירן די אידן צו זינד ביי בעל פעור (במדבר ל"א:ט"ז; זעה במדבר כ"ה), און ער איז אומגעקומען אין דער מלחמה מיט מדין (במדבר ל"א:ח').

די משנה אין אבות (ה':י"ט) זאגט אז די תלמידים פון בלעם הרשע האבן 'עין רעה, רוח גבוהה ונפש רחבה'. די גמרא רעדט פון אים אין סנהדרין ק"ה. חז"ל זאגן אז ביי די אומות איז געווען א נביא ווי משה — דאס איז בלעם (ספרי, וזאת הברכה).