וואטסאפ טריקס וואס יעדער איד דארף וויסן

וואטסאפ איז דער נייער שול הויף. דארט הערט מען ווער האט א שמחה, ווען איז מנחה, און ווער האט פארלוירן א הוט ביי דער חתונה. אבער ווען מ'איז אין 47 גרופעס, ווערט עס א בלאגאן. א פאר טריקס, לויט וואטסאפ'ס אייגענע העלפ סייט.

דער משפחה גרופע זאל זיין שטענדיג אויבן? האלט אן אויפ'ן טשעט, דריקט די דריי פינטלעך, און "פין". מ'קען אויסוועלן ווי לאנג.

דער גבאי האט געשיקט די זמנים און יעצט זענען זיי פארלוירן צווישן דריי הונדערט מזל טובס? מ'קען אנפינען ביז פיר מעסעדזשעס אויבן אין א טשעט. עס בלייבט שטיין 24 שעה, 7 טעג אדער 30 טעג.

ווילט איר מער פריוואטקייט, קען מען אנצינדן פארשווינדנדע מעסעדזשעס. זיי מעקן זיך אויס נאך 24 שעה, 7 טעג אדער 90 טעג. פאר אלע נייע טשעטס: סעטינגס, פרייוועסי, דיפאלט מעסעדזש טיימער.

און א פאר כללים פון מיר, נישט פון וואטסאפ. איין "גוט שבת" סטיקער איז שיין. דרייסיג איז א נסיון. איידער מ'פארווערט עפעס וואס איז "פארווערדעד מעני טיימס", פרעגט זיך: איז דאס בכלל אמת?

און די גרופע וואס קלינגט צוויי אזייגער ביינאכט? מיוט. גלייך. שלאפן איז אויך א מצוה.