יונתן רזאל

יונתן רזאל איז געבוירן געווארן אין ניו יארק, און איז אלס קליין קינד מיט זיין פאמיליע אריבער קיין ארץ ישראל. ער שטאמט פון א מוזיקאלישער פאמיליע; אלס קינד האט ער געשפילט פיאנא און טשעלא און געלערנט דיריגירן. שפעטער איז ער געווען דער דיריגענט פון דעם ישראל קאמער־ארקעסטער.

פאר א שטיק צייט האט ער אוועקגעלייגט די מוזיק און געארבעט אלס פאסטעך, ביז א פארשלאג צו מאכן מוזיקאלישע אראנזשירונגען האט אים צוריקגעברענגט. רזאל איז א זינגער, שרייבער, קאמפאזיטאר און אראנזשירער. זיין קאמפאזיציע "והיא שעמדה" פון דער הגדה איז געווארן איינע פון די באליבטסטע לידער אין דער אידישער וועלט, און ווערט געזונגען דורך אסאך גרויסע זינגער. ער לערנט אין א כולל אין ירושלים, און וואוינט אין גבעת זאב.