חזן יצחק מאיר העלפגאט

חזן יצחק מאיר העלפגאט איז א חסידישער חזן, באקאנט פאר זיין וואונדערליכע קול און זיין פעאיגקייט צו האלטן לאנגע שטיקער אין די העכסטע טענער, מיט שיינע פייגעלעך און קוויטשן.

ער האט געדינט אין חשובע חזנות-שטעלעס אין אייראפע און אמעריקע, און איז אויפגעטרעטן אין קאנצערטן איבער דער גאנצער וועלט. אין 2006 האט ער געזונגען א סאלא-קאנצערט אינעם מעטראפאליטען אפערע הויז מיט דעם ניו יארק פילהארמאניק. אין יאנואר 2007 האט ער געזונגען אין מעדיסאן סקווער גארדן פאר 30,000 אידן ביים סיום הש"ס. אין 2007 האט ער געזונגען אין לינקאלן צענטער א הקדשה צו דעם גרויסן חזן משה קוסעוויצקי ע"ה, און אין 2010 ביי א חנוכה ליכט-צינדונג אין ווייסן הויז.