חזן יאסעלע ראזענבלאט ע"ה

יוסף (יאסעלע) ראזענבלאט ע"ה איז געבוירן געווארן דעם 9טן מאי 1882 אין ביאלא צערקווא (היינט אוקראינע), אין א משפחה פון חזנים, און איז נפטר געווארן דעם 19טן יוני 1933. זיין פרומע חינוך האט אים נישט געלאזט לערנען אין די וועלטליכע מוזיק־שולן, נאר ער האט אנגעהויבן זינגען אין דעם שול־כאר, און מען האט אים גערופן א "וואונדער־קינד". ווען ער איז געווען זיבן יאר אלט איז די פאמיליע אריבער קיין סאדיגורא.

ביי 17 יאר האט ער שוין געדאוונט פארן עמוד אין די גרעסטע שולן אין ווין. זיין ערשטע שטעלע איז געווען ביי דער חסידישער קהילה אין מונקאטש, דערנאך אין פרעשבורג, האמבורג, און אין 1912 אין הארלעם, ניו יארק, ביי דער שול אוהב צדק. זיינע רעקארדירונגען ווערן ביז היינט געהערט און געלערנט דורך חזנים איבער דער וועלט.