ר' שי טויב

ר' שי טויב איז אן אמעריקאנער חסידישער רב און מחבר. ער איז אויפגעוואקסן אין שיקאגא; ווי א יונגער בחור האט ער זיך דערנענטערט צו אידישקייט און געלערנט אין דער "תומכי תמימים" ישיבה אין קראון הייטס, ווי ער האט באקומען סמיכה.

ער איז באקאנט פאר זיין ארבעט אינעם געביט פון ארויסקומען פון אדיקציע. אין 2006 האט ער אנגעהויבן פירן א גרופע פאר אידישע מענער אינעם חב"ד הויז אין מילוואקי, און אין 2009 האט ער ארויסגעגעבן זיין ערשט בוך, "God of Our Understanding", וועגן אידישע רוחניות און ארויסקומען פון אדיקציע. ער ווייזט דארט ווי אלטע אידישע יסודות שטימען מיט די "12 טריט" פראגראמען.

ר' טויב שרייבט אויך וועגן פנימיות התורה, און ער איז א וועכנטליכער קאלומניסט אין "עמי" מאגאזין.