גייטסהעד

גייטסהעד איז א שטאט אין צפון-מזרח ענגלאנד, וועלכע איז באקאנט אין דער אידישער וועלט ווי א שטאט פון תורה. די גייטסהעד ישיבה, אויך גערופן "גייטסהעד טאלמודיקל קאלעדזש", איז געגרינדעט געווארן אין 1929.

די ישיבה האט זיך געעפנט אין אקטאבער 1929 מיט צוויי תלמידים, אין א קליין צימער פון דער ארטיגער שול אויף קארבעט סטריט. אין אנפאנג איז זי געווען ווי א צווייג פון דער באקאנטער נאוואהרדאקער ישיבה-נעץ, און ר' נחמן לאנדינסקי איז געווען דער ערשטער ראש ישיבה.

מיט דער צייט איז גייטסהעד געווארן איינע פון די וויכטיגסטע ישיבות אין אייראפע, און א קהילה וואס לעבט אינגאנצן ארום תורה, מיט כוללים, סעמינארן און מוסדות. פאר פיל בחורים פון ענגלאנד, אייראפע און אמעריקע איז "גייטסהעד" א טייערער נאמען.