אברהם פריד

אברהם פריעד (מיטן פולן נאמען אברהם שבתי הכהן פרידמאן) איז געבוירן געווארן דעם 22סטן מערץ 1959. ער איז א ליובאוויטשער חסיד, און לויט די מקורות האבן אים געמוטיגט צו גיין אין דער מוזיק-וועלט דער ליובאוויטשער רבי זי"ע, ר' אלי טייטלבוים, מרדכי בן דוד און דער פראדוסער שיע מענדלאוויטש.

זיין ערשטער אלבום, "No Jew Will Be Left Behind", איז ארויס אין 1981. דאס טיטל-ליד האט קאמפאנירט ר' יוסי גרין, וואס האט שפעטער געשריבן פילע פון פריעד'ס גרעסטע היטס, ווי "אדרבה", "תניא" און "דידה ביי". פריעד האט אויך שטארק צוזאמגעארבעט מיטן אראנזשירער משה לויפער.

מיט זיין ווארעמע שטימע און זיינע חסידישע ניגונים, אסאך פון זיי מיט ליובאוויטשער טעם, האט ער באגייסטערט דורות פון אידן. ער זינגט ביי קאנצערטן, חתונות און צדקה אונטערנעמונגען איבער דער וועלט.

זיינע לידער ווערן געהערט אין יעדן אידישן הויז, אין קאר און ביי שבת טיש, און ער ווערט גערעכנט צווישן די גרעסטע נעמען אין אידישער מוזיק.