איצי באלד

איצי באלד איז א קאמפאזיטאר, פראדוצירער, ארענדזשער און כאר-פירער, וועמענס לידער זענען געזונגען געווארן ביי חתונות און שמחות שוין איבער א פערטל יארהונדערט.

ער איז ארויסגעקומען אויף דער בינע אין 1990, ביים ערשטן "מיאמי עקספיריענס" קאנצערט, ווען שלמה דאכס האט געזונגען זיין ליד "פתחו לי שערי צדק", וועלכע ער האט פריער אויסגעלערנט זיינע פריינט אין קעמפ אגודה. דאס ליד "הוא כלל גדול בתורה", וועלכע ער האט קאמפאנירט ווען ער האט נאך געלערנט אין תורה ודעת, איז געווארן דער גרויסער היט פון ישראל וויליגער'ס ערשטן אלבום אין 1994.

צווישן זיינע באקאנטע לידער: "דיגי דיגי דא דום (לגבאי)", "שמח תשמח", "אמת אתה הוא ראשון", "צדיק באמונתו יחיה", "ויערב נא", "ויחן שם ישראל", "טאטע אוי טאטע" און "Smile Again". ער איז אויך באקאנט אלס א כאר-פירער.