יד שרה

יד שרה איז די גרעסטע נאציאנאלע פרייוויליגע ארגאניזאציע אין ארץ ישראל. זי האט איבער 6,000 פרייוויליגע און בלויז 150 באצאלטע ארבעטער, און זי באדינט מער ווי 350,000 מענטשן א יאר.

זי איז מערסטנס באקאנט פאר אירע אומזיסטע הלוואות פון איבער 244,000 שטיק מעדיצינישע און רעהאביליטאציע-אויסריכטונג א יאר – רעדער-שטולן, קרוקן, בעטן און נאך – וואס לאזן קראנקע, באהינדערטע און עלטערע בלייבן אין דער היים. לויט אן אומאפהענגיגער אנקעטע איז איינע פון יעדע צוויי משפחות אין ארץ ישראל שוין באקומען הילף פון יד שרה. די ארגאניזאציע נעמט נישט קיין רעגירונג-געלט, נאר לעבט פון נדבות.