תורה ומסורה

תורה ומסורה, "די נאציאנאלע געזעלשאפט פאר העברעאישע טאג-שולן", איז א חרדישע חינוך ארגאניזאציע אין אמעריקע, וואס שטארקט און בויט אויף א נעץ פון פריוואטע אידישע טאג-שולן איבער צפון אמעריקע.

זי איז געגרינדעט געווארן אין 1944, אין מיטן צווייטן וועלט קריג, ווען די אידן אין אייראפע זענען אומגעקומען אין חורבן. קעגן דעם שטראם פון יענע צייטן האט הגאון ר׳ שרגא פייוול מענדלאוויטש זצ״ל, דער ראש פון ישיבת תורה ודעת, מיט נאך רבנים געגרינדעט תורה ומסורה, כדי צו עפענען תורה-שולן אין יעדן ווינקל פון אמעריקע. עס איז געווען די ערשטע נאציאנאלע אידישע ארגאניזאציע אין לאנד וואס האט פיאנירט אידישע טאג-שולן.

אין אנהייב 21סטן יארהונדערט לערנען אין די שולן בערך 760 שולן מיט איבער 250,000 קינדער, און תורה ומסורה האט אויפגעשטעלט ישיבות און כוללים אין יעדע שטאט מיט א באדייטנדע אידישע באפעלקערונג.