טעלזער ישיבה

א ישיבה אין טעלז

די טעלזער ישיבה איז געגרינדעט געווארן אין 1875 אין דעם שטעטל טעלז (טעלשיי) אין ליטע ^[1]. מיט די יארן איז זי געווארן איינע פון די גרעסטע און חשובסטע ישיבות אין דער ליטווישער וועלט, באקאנט מיט איר אייגענעם "טעלזער דרך" אין לערנען, א שיטה פון טיפע און קלארע הבנה ^[1]. די ישיבה האט אויך געהאט א כולל צו אויסשולן רבנים, וואס איז געעפנט געווארן אין 1922 ^[1].

פון ליטע קיין אמעריקע

ווען די מלחמה איז אויסגעבראכן, זענען די ראשי ישיבה הגאון רבי אליהו מאיר בלאך זצ"ל און הגאון רבי חיים מרדכי כ"ץ זצ"ל געווען אין אמעריקע אויף א שליחות פאר די ישיבה. זיי האבן אויפגעשטעלט די ישיבה אויפסניי אין קליוולענד, אהייא ^[1]. אין 1941 איז אנגעקומען א גרופע בחורים וואס זענען אנטלאפן דורך רוסלאנד, און זיך אנגעשלאסן ^[1]. שפעטער איז די ישיבה אריבער קיין וויקליף, אהייא, ווי זי שטייט ביז היינט ^[1].

טעלז היינט

צווישן די ראשי ישיבה אין אמעריקע איז אויך געווען הגאון רבי מרדכי גיפטער זצ"ל ^[1]. ביז היינט רופט מען די ישיבה פשוט "טעלז", און א טעלזער בחור דערקענט מען פון ווייטן — ער זאגט א סברא, און דערנאך זאגט ער זי נאכאמאל, נאר פאמעלעכער, כדי מען זאל זיכער פארשטיין.