סטאר-K (ועד הכשרות דבאלטימאר)

סטאר-K, אויך באקאנט אלס "ועד הכשרות דבאלטימאר", איז א כשרות אגענטור באזירט אין באלטימאר, מערילענד. זי שטייט אונטער דער השגחה פון הרב משה היינעמאן שליט״א, צוזאמען מיט נאך רבנים.

סטאר-K איז איינע פון די גרעסטע כשרות ארגאניזאציעס אין צפון אמעריקע, און ארטאדאקסישע אידן איבער דער וועלט פארלאזן זיך אויף איר הכשר. זי באאויפזיכטיגט צענדליגער טויזנטער פראדוקטן און עסן-געשעפטן – רעסטוראנטן, קעטערערס און פאבריקן – איבער דער גאנצער וועלט.

חוץ דעם בארימטן שטערן-סימבאל גיט די ארגאניזאציע אויך אנדערע סימבאלן, ווי "סטאר-D" פאר געוויסע פראדוקטן.

פאר א הויזפרוי אדער א בעל הבית וואס גייט איינקויפן, איז דער קליינער שטערן מיט א K א באקאנטער סימן אויף די פעקלעך אין די געשעפטן איבער אמעריקע און ווייטער.