שומרים / שמירה

שומרים אדער שמירה זענען פרייוויליגע אידישע פאטרול גרופעס, וואס זענען אויפגעשטעלט געווארן אין חרדישע שכונות איבער אמעריקע, קאנאדע, ענגלאנד, ארץ ישראל, בעלגיע, אויסטראליע און נאך. זייער ארבעט איז צו שיצן די געגנט פון גנבות, שאדן און אנפאלן, און צו העלפן און שטיצן די וואס זענען געטראפן געווארן.

א גרויסער טייל פון זייער ארבעט איז אויך צו געפינען פארלוירענע מענטשן, אפט מיט הונדערטער מתנדבים וואס גייען זוכן. די מתנדבים טראגן נישט קיין וואפן און זענען נישט קיין פאליציי, נאר זיי ארבעטן צוזאמען מיט דער פאליציי.

אין ברוקלין, באלטימאר און לאנדאן רופן פילע איינוואוינער צו ערשט די שומרים אדער שמירה ווען עפעס טרעפט זיך, צוליב דעם וואס זיי קענען די שכונה און רעדן די שפראך.