אַרטאדאקס יוניאן (OU)

די ארטאדאקס יוניאן (OU) איז איינע פון די גרעסטע ארטאדאקסישע אידישע ארגאניזאציעס אין די פאראייניגטע שטאטן. זי איז געגרינדעט געווארן דעם 8טן יוני 1898 דורך רב הענרי פערעירא מענדעס, אלס א פאראייניגונג פון ארטאדאקסישע שולן.

פאר דעם גרעסטן עולם איז די OU באקאנט צוליב איר כשרות אפטיילונג: דער קליינער "U אין א רינגל" הכשר שטייט אויף די עטיקעטן פון אומצאליגע כשר׳ע עסנווארג פראדוקטן, וואס מען טרעפט אין יעדן גראסערי. זי איז איינע פון די "גרויסע פינף" כשרות ארגאניזאציעס אין אמעריקע.

חוץ כשרות פירט די OU אויך שולן, יוגנט פראגראמען, פראגראמען פאר מענטשן מיט באגרעניצונגען, און לערן-פראגראמען, מיט אפטיילונגען אין ארץ ישראל.