OK כשרות

OK כשרות איז א גרויסע כשרות אגענטור באזירט אין ברוקלין, ניו יארק, און איינע פון די "גרויסע פינף" – די פינף גרעסטע כשרות ארגאניזאציעס אין אמעריקע. זי האט אויך א גרויסן כשרות פרעזענץ אין אזיע.

די געשיכטע הייבט זיך אן אין 1935, ווען אברהם גאלדשטיין האט געגרינדעט "Organized Kashrut Laboratories" – OK Labs – כדי צו באפרידיגן דעם אידישן עולם׳ס נויט פאר כשר׳ע פראדוקטן. אין 1968 האט הרב בערנארד לוי ע״ה געקויפט OK Labs. אין יענע צייט האט זי געגעבן הכשרים פאר א קליינע צאל פירמעס, אבער אונטער זיין פירערשאפט איז זי שטארק געוואקסן און אנגעהויבן געבן הכשרים איבער דער גאנצער וועלט.