חזן משה קוסביצקי ע"ה

משה קוסעוויצקי ע"ה איז געבוירן געווארן דעם 9טן יוני 1899 אין סמארגאן (היינט בעלארוס), און איז נפטר געווארן דעם 23סטן אויגוסט 1966 אין ניו יארק. ער איז געווען א טענאר מיט אן אויסערגעווענליכן הויכן קול, און ווערט גערעכנט פאר איינער פון די גרעסטע חזנים פון זיין דור.

אין 1920 איז ער אריבער קיין ווילנע, ווי ער האט געדינט אלס חזן, און פון 1924 אין דער גרויסער שול פון ווילנע. ארום 1927 איז ער געווארן חזן אין דער בארימטער טלאמאצקי שול אין ווארשע. ער האט געזונגען אין בריסל, אנטווערפן, ווין, בודאפעשט און לאנדאן, און אין 1938 צום ערשטן מאל אין קארנעגי האל אין ניו יארק. זיינע רעקארדירונגען אין פוילן און אמעריקע זענען ביז היינט א שאטץ פאר ליבהאבער פון חזנות.