מענדי ווערדיגער

מענדי ווערדיגער איז געבוירן געווארן אין 1959, א זון פונעם חזן ר' דוד ווערדיגער ע"ה און א ברודער פון מרדכי בן דוד. ער איז אויפגעוואקסן אין ברוקלין און האט געלערנט אין ישיבות פון חדר ביז כולל.

ווען ער איז געווען 21 יאר אלט, איז ער אריין אין זיין טאטנ'ס געשעפט, "אדרת רעקארדס". ער האט געזינגען אין די כארן אויף זיין טאטנ'ס פלאטעס, אויף מרדכי בן דוד'ס אלבומס, און אויף אלבומס פון אברהם פריעד און אנדערע.

היינט פירט ער די "אדרת מיוזיק" קאמפאני, און האט געגרינדעט דאס געשעפט "מאוסטלי מיוזיק" אויף דער 13טער עוועניו אין בארא פארק, ווי מען קען קויפן אידישע מוזיק און כשר'ע פילמען. ער האט אויך ארויסגעגעבן זיינע אייגענע אלבומס; זיין פינפטער אלבום איז ארויס אין 2010.

אזוי איז די ווערדיגער משפחה געווארן א טייל פון דער היסטאריע פון אידישער מוזיק – פון חזנות ביז היינטיגע אלבומס.