משביע

משביע איז א נעץ פון כשר׳ע "סופ קיטשנס" אין ניו יארק סיטי. דער נאמען "משביע" מיינט "זעטיגן", פונעם פסוק "ומשביע לכל חי רצון". זיי האבן דריי לאקאציעס: אין בארא פארק און מידוואוד אין ברוקלין, און אין רעגא פארק אין קווינס.

יעדן אוונט ווערן דארט סערווירט איבער 500 אומזיסטע, ווארעמע, כשר׳ע סעודות, און לויט וויקיפעדיע איז משביע די איינציגע אומזיסטע סופ קיטשן אין ניו יארק וואס גיט כשר׳ע עסן. די ארגאניזאציע לעבט מערסטנס פון פריוואטע נדבות, סיי געלט און סיי עסנווארג, און נאר א קליינער טייל פון איר בודזשעט קומט פון דער רעגירונג.

משביע איז באקאנט פאר איר שטייגער אז דער וואס קומט עסן זאל זיך פילן ווי א גאסט אין א רעסטוראנט און נישט ווי איינער וואס בעט.