הערשעלע אסטראפאלער

הערשעלע אסטראפאלער (1757–1811) איז איינער פון די באקאנטסטע פיגורן אין אידישן הומאר. ער איז געווען א בדחן פון שטעטל אסטראפאל אין פוילן (היינט אוקראינע), וואס האט געלעבט אין דלות.

הערשעלע איז באקאנט געווארן פאר זיינע שפיצלעך קעגן די רייכע און די שטארקע, סיי אידן סיי גוים. אויך פשוט'ע מענטשן זענען נישט געווען זיכער פון זיינע שטיקלעך, אבער זיי זענען געווענליך אראפ מיט א לייכטן שרעק. זיינע מעשיות און וויצן ווערן שוין איבער צוויי הונדערט יאר דערציילט אין אידישע הייזער, אין חדרים און ביי שבת טישן, און ער איז געווארן א סימבאל פון דעם קליינעם אידן וואס באזיגט די גרויסע מיט זיין שכל און הומאר. אפילו די אוקראינער גוים געדענקען אים אלס א פאלקס־העלד.