ארטסקרול

ארטסקראל איז א פארלאג פון איבערזעצונגען, ספרים און פירושים פון אן ארטאדאקסישן שטאנדפונקט, ארויסגעגעבן דורך מסורה פאבליקעישאנס, וואס געפינט זיך אין ראוועי, ניו דזשערזי.

אין 1975 האט הרב מאיר זלאטאוויץ ז"ל, וואס האט געפירט א גראפיק־סטודיא אין ניו יארק, געשריבן אן ענגלישע איבערזעצונג און פירוש אויף מגילת אסתר, און הרב נתן שערמאן, דעמאלט פרינציפאל פון ישיבת קארלין סטאלין אין בארא פארק, האט געשריבן די הקדמה. דער ספר איז אויסגעפארקויפט געווארן – 20,000 קאפיעס אין צוויי חדשים. מיט דער עידוד פון גדולים ווי ר' משה פיינשטיין און ר' יעקב קאמענעצקי זצ"ל האבן זיי ווייטער געארבעט. הרב שערמאן איז דער הויפט־רעדאקטאר, און מען רופט אים "דער טאטע פון דער מאדערנער ענגלישער תורה־ליטעראטור".