מרן הגרי"ש אלישיב זצ"ל

מרן הגאון ר' יוסף שלום אלישיב זצ"ל איז געבוירן געווארן דעם 10טן אפריל 1910, און איז נסתלק געווארן דעם 18טן יולי 2012, אין עלטער פון 102 יאר. ער האט געוואוינט אין ירושלים.

ביז זיין פטירה איז ער געווען דער הויפט־מנהיג פון דער ליטווישער חרדישער קהילה סיי אין ארץ ישראל סיי אין חוץ לארץ, און אסאך אשכנזישע אידן האבן אים באטראכט אלס דער "פוסק הדור". ער האט פארבראכט רוב פון זיינע טעג מיט לערנען גמרא, און האט געזאגט שיעורים אין גמרא און הלכה. זיין שטוב אין מאה שערים געגנט איז געווען א פלאץ וואו מען איז געקומען מיט די שווערסטע שאלות.