מנחם טוקער

מנחם טוקער איז איינער פון די ערשטע און באקאנטסטע חרדישע ראדיא-פרעזענטירער אין ארץ ישראל. ער איז געבוירן געווארן אין האלאנד, צו אן אמעריקאנער טאטע, און אויפגעוואקסן אין דעם פרומען געגנט בית וגן אין ירושלים, ווי ער האט געלערנט אין ישיבה.

שוין אלס בחור פון זעכצן יאר האט ער זיך אנגעהויבן אינטערעסירן אין ראדיא. ווען "קול חי" איז ארויף אויפן לופט, האט מען דעם אכצן-יעריגן טוקער געגעבן א טעגליכע פראגראם, און ער איז געווארן פון די ערשטע באקאנטע פרומע פרעזענטירער. שפעטער האט ער צוגעלייגט א מוצאי שבת פראגראם מיט מוזיק פון מאנסבילשע זינגער.

אין 2011 האט ער אנגעהויבן פירן א טאלק-שאו אויף דער ישראלישער טעלעוויזיע, "טוקער בשישי". ער איז אויך באקאנט אלס מוזיקאלישער דירעקטאר און אלס איינער וואס האט אן אויער פאר נייע אידישע זינגערס. זיין ציל, זאגט ער, איז צו ווייזן דעם עולם די שיינע זייט פון אידישקייט און צו ברענגען אידן נענטער איינער צום אנדערן. היינט פירט ער א פאפולערן יוטוב קאנאל "Toker FM".