קרית צאנז, נתניה

קרית צאנז איז א שכונה אין נתניה, ארץ ישראל, ביים ים־ברעג. זי איז דער וועלט־צענטער פון צאנז־קלויזנבורג חסידות. כ"ק מרן אדמו"ר ר' יקותיאל יהודה האלבערשטאם זי"ע, דער קלויזנבורגער רבי, האט דארט אויפגעשטעלט זיין הויף אין 1960, און היינט פירט דארט זיין זון, כ"ק אדמו"ר ר' צבי אלימלך האלבערשטאם שליט"א, דער צאנזער רבי.

נאכן חורבן האט דער רבי, וואס איז אריבער קיין אמעריקע אין 1947, געבעטן לאנד פון דער רעגירונג צו בויען א חסידישע שכונה פאר ניצולים, און האט אויסגעקליבן לאנד ביים ים פון נתניה. ער האט געלייגט דעם אנגלשטיין דעם 21סטן אדר 1956. אין 1958 האט ער געלייגט דעם אנגלשטיין פאר אן אלטע־לייט היים און פאר א שפיטאל – דער לניאדו שפיטאל, וואס האט זיך געעפנט אין 1975.