המודיע

"המודיע" איז א חרדישע טאגצייטונג, וואס דערשיינט אויף לשון קודש אין ירושלים און אויף ענגליש אין אמעריקע, מיט וועכנטליכע ענגלישע אויסגאבעס אין ענגלאנד און ארץ ישראל, און זינט 2008 אויך א פראנצויזישע אויסגאבע. דער שלאגווארט: "די צייטונג פון שומרי תורה".

די צייטונג איז געגרינדעט געווארן אין 1950 דורך הרב יהודה לייב לעווין, דער זון פונעם אגודה-פירער הרב יצחק מאיר לעווין פון ווארשא און ירושלים.

די ענגלישע אויסגאבע איז צום ערשטן מאל ארויס דעם 27סטן פעברואר 1998 אלס א וואכנבלאט, און פון דעצעמבער 2003 דערשיינט זי אויך טעגליך. מיט דער צייטונג קומען צוויי מאגאזינען: "ענין" און "Insight". א סעקולערע צייטונג אין ארץ ישראל האט אנגערופן "המודיע" איינע פון די "מערסט-איינפלוסרייכע" צייטונגען אין דער חרדישער וועלט.